اسرار البنات
بنتك بتتعصب كتير
بنتك شارده وساكته وبتسرح علي طول
بنتك بتتنرفز من اقل حاجه
طيب اسمعيني أو اسمعني كويس جدا
لما بنتي الكبيرة كانت لسه في المدرسة كانت بتاخد دروس كتير علشان امتحاناتها
وفجأة وبدون سابق انذار لقيتها متنرفزة جدا وبتقولي انا مش عايزة أروح دروس تاني أنا زهقت وتعبت وقررت اني مش هروح دروس وبتتعصب جدا
طبعا رد الفعل التلقائي أو نقول العادي
اني أقولها انتي ازاي تتكلمي بالطريقة دي
وليه تعلي صوتك كده
ومينفعش انك تكلمي مامتك بالطريقة دي
الى آخره من الكلام اللي احنا بنقوله من غضبنا من الأسلوب اللي لا يليق
أو ممكن نقول كمان
انتي عايزة تضيعي نفسك
يعني ايه مش هتاخدي دروس وامتحاناتك اللي قربت هتعملي فيها ايه
وافضل اتعصب عليها ليل ونهار من غير ما أحل المشكله ولا اقرب من بنتي ولا مشاكلها
دا هو معظم اللي بيحصل في الأيام دي
اسرار البنات
عايزة أقولكم اني معملتش أي حاجة من الكلام ده علشان منتخانقش مني وتحكيلي كل حاجه عن خصوصيتها
ولكن عملت حاجة أحسن كتير ونتيجتها فعالة جدا
أنا سمعتها تماما لغاية ما خلصت كلام
وقولتلها انتي زهقتي من الدروس
فقالتلي جدا وكملت بنفس الغضب
فقولتلها
انتي عندك حق
هي فعلا حاجة تزهق
كل الدروس دي كتير
والمشوار بياخد وقت والطريق لوحده بياخد ساعة ونص وأكيد بتتعبي من الدروس اللي ورا بعضها في اليوم الواحد
وسكت
ف ردها كان انها زاد غضبها وقالتلي أيوة انا متبهدلة جدا وتعبت جدا جدا ومش هروح الدروس
قولتلها انا لو مكانك أزهق فعلا
ودي حاجة متعبة أوي
انا بحاول ادخل في صفها واكون معاها مش ضدها
علي شان اوصل للفضفضه
علي شان اوصل أنها تستريح في الكلام معايا
اسرار البنات
كل ده أنا كنت بقول كل الكلام اللي جواها علشان انا كنت عايز ضيقها وغضبها يطلع بره وتقدر تعبر عن كل اللي جواها لأنه واضح انها كاتمة مشاعر كتير جواها
ممكن تكون كاتمه مشاعر رقيقه
وممكن تكون كاتمه مشاعر غلط
وممكن تكون كاتمه حاجات كتير وتحصل بعدها عقده
اسرار البنات
النتيجة ايه بقى
انها لما قالت اللي داير جواها وشافت اني سامعاها كويس وفاهماها وبقول كمان اللي جواها
هديت تماما وسكتت شوية
وبدأت تحكيلي كلام معبر لمشاعرها الصافيه الناقيه
وبدأت ادرس الموضوع واتناقض معاها
بدأت ناخد وعد أننا منخبيش حاجه عن بعض
بدأت اوعدها بأن احفظ سرها
بشرط تفضفض معايا عن كل حاجه
اسرار البنات
لما تصبري على بنتك ويبقى هدفك انك تفهمي المشاعر اللي مخلياها تتكلم بطريقة مش عاجباكي هتقدري تتعاملي مع المشاعر الحقيقية
مش مع السلوك الظاهري اللي لا يعكس خالص حقيقة اللي هي حاسة بيه
لما تصبري علي بنتك وتصاحبيها دا اول طريق الاطمأنان
لما تناقشي بنتك في كل صغيره وتناقشيها في خصوصياتها ومشاعرها
هتكوني ناجحه وام مثاليه فعلا
اسرار البنات
الزعيق طريق قصير علشان تسكتي بنتك
لكن تأثيره سيء جدا على المدى الطويل وبيخلي مشاعرها مكتومة طول الوقت ومتضايقة وبعيدة عنك
ومتقلقيش هي مش هتتعود على انها تزعق
عمرها ما هتتنرفز طلاما في قلب يحتويها
عمرها ما هتتنرفز طلاما في حد يسمعلها ويتنافس معاها
وعلشان تفهمي بنتك صح وتقدري تتعاملي مع سلوكياتها المتقلبة ومشاعرها الغير مفهومة
اسمعي منها كتير
ناقشيها
صاحبيها
احتويها
اسأل الله العظيم
أن تكون هذه الرساله توصل لأمهات كتير
وشكرا لاهتمامكم وتفهمكم
بقلم الكاتب
أ/عدنان عبدالرؤف
تعليقات
إرسال تعليق