الخذلان مش بس وجع الخذلان كسر روح
بقلم الدكتوره/اسلام محمد
استشاري نفسي واسري
ودكتوره في التنميه البشريه
الخذلان مش بس وجع
الخذلان كسر روح
مش أصعب حاجة في الدنيا إنك تتعب
الأصعب إنك تتعب ومحدش يحس بيك
مش أقسى حاجة إنك تمرض
الأقسى إنك تخبي وجعك عشان ماتبقاش تقيل على حد
بس الحقيقة اللي ناس كتير مش فاهمها
إن أكتر حاجة ممكن تكسر الإنسان
مش المرض ولا الظروف
-----------------------------------
الخذلان مش بس وجع الخذلان كسر روح
بقلم الدكتوره/اسلام محمد
استشاري نفسي واسري
ودكتوره في التنميه البشريه
الخذلان
الخذلان يعني إيه
يعني تبقى مستني حد يطبطب عليك
فيسيبك
تبقى محتاج كلمة
وماحدش يقولها
تبقى بتصرخ من جواك
واللي حواليك سامعين سكوتك بس
الخذلان بييجي في اللحظة الغلط
لما تكون على آخرك
لما تكون مستحمل فوق طاقتك
-------------------------------
الخذلان مش بس وجع الخذلان كسر روح
بقلم الدكتوره/اسلام محمد
استشاري نفسي واسري
ودكتوره في التنميه البشريه
لما تكون محتاج حد “يسندك مش يسيبك
اللي بيحصل ساعتها إنك مش بس بتتوجع
إنت بتفقد الأمان
بتفقد ثقتك في الناس
وأسوأ حاجة بتبدأ تفقد نفسك
وفجأة… تلاقي نفسك ساكت
مش عشان مفيش كلام
لكن عشان خلاص مفيش حد يسمع
ويمكن تقول “أنا كويس
بس جواك ألف حاجة بتنهار
عارفين أخطر إحساس إيه
إنك تبقى وسط ناس
بس حاسس إنك لوحدك جدًا
الخذلان بيخلي الإنسان يوصل لمرحلة
مش عايز يموت
------------------------------
الخذلان مش بس وجع الخذلان كسر روح
بقلم الدكتوره/اسلام محمد
استشاري نفسي واسري
ودكتوره في التنميه البشريه
بس مش قادر يكمل بالوجع ده
عشان كده
بلاش تستهونوا بوجع حد
بلاش تقولوا “هتعدي وخلاص
بلاش تسيبوا حد وهو محتاجكم
كلمة صغيرة ممكن تنقذ
حضن ممكن يطبطب
اهتمام بسيط ممكن يفرق بين حد يكمل
وحد يقع
خلي بالك
مش كل اللي ساكت مرتاح
ومش كل اللي بيضحك مبسوط
في ناس بتضحك وهي موجوعة جدًا
لو حواليك حد ساكت بزيادة
اسأله
--------------------------------
الخذلان مش بس وجع الخذلان كسر روح
بقلم الدكتوره/اسلام محمد
استشاري نفسي واسري
ودكتوره في التنميه البشريه
لو حاسس إن حد متغير قرب منه
لو حد محتاجك… ماتتأخرش
يمكن وجودك في لحظة
ينقذ حياة
د/ إسلام محمد
استشارية نفسيه واسرية ودكتوراه في التنميه البشريه وتطوير الذات وعضوة بمنظمه حقوق الإنسان المصريه ورئيسه لجنة الصحة والنفسية بوزارة الشباب والرياضة وصاحبه كتابي البحث عن الذات
تعليقات
إرسال تعليق