احنا ليه بنلعب العاب في علاقاتنا
بقلم الدكتوره/ اميره عبدالمحسن
اخصائيه علاج نفسي وإدمان
إحنا ليه بنلعب ألعاب في علاقاتنا
بيرن
كان شايف إن الإنسان محتاج حاجة أساسية جدًا… سماها
التربيتة
مش بس لمس جسدي… لكن أي شكل من أشكال الاهتمام: كلمة، نظرة، تقدير، حتى الخناقة
لدرجة إنه قال إن الإنسان ممكن يفضل علاقة مؤذية… على إنه يعيش من غير أي تفاعل.
وهنا تبدأ الألعاب
---------------------------------
احنا ليه بنلعب العاب في علاقاتنا
بقلم الدكتوره/ اميره عبدالمحسن
اخصائيه علاج نفسي وإدمان
الألعاب النفسية ببساطة هي طرق غير مباشرة بنحاول بيها نحقق احتياجاتنا، لكن من غير ما نقولها بشكل صريح.
بنلف
بنناور
بنمثل أدوار
وفي الآخر ناخد مكسب معين
even لو كان المكسب ده وجع
واحدة من أخطر أفكار
بيرن كانت إن جوا كل واحد فينا 3 أصوات
الوالد (Parent) اللي بيحكم ينتقد أو يرعى
الراشد (Adult) اللي بيفكر بمنطق وهدوء
الطفل (Child) اللي بيحس، يتمرد، يخاف أو يطلب الحب
-------------------------------
احنا ليه بنلعب العاب في علاقاتنا
بقلم الدكتوره/ اميره عبدالمحسن
اخصائيه علاج نفسي وإدمان
والمشكلة مش إنهم موجودين
المشكلة إننا ساعات بنستخدمهم بطريقة غير واعية في علاقاتنا
مثلاً
في لعبة لولاك
حد يقول. أنا كان ممكن أنجحو لولاك
هنا الشخص بيهرب من مواجهة خوفه أو ضعفه، وبيحط المسؤولية على الطرف التاني.
في لعبة "نعم ولكن
حد يشتكي
والناس تحاول تساعده، وهو يرد
آه بس مش هينفع
هو مش عايز حل هو عايز تعاطف
وفي لعبة القدم الخشبية
أنا كده عشان ظروفي
كأن الماضي بقى تصريح دائم للهروب من المسؤولية
-------------------------------
احنا ليه بنلعب العاب في علاقاتنا
بقلم الدكتوره/ اميره عبدالمحسن
اخصائيه علاج نفسي وإدمان
كل لعبة من دول ليها مكسب خفي
اهتمام وتعاطف و سيطرة أو حتى إثبات إن أنا مظلوم
المؤلم بقى
إننا غالبًا مش واخدين بالنا إننا بنلعب
بيرن كان شايف إن الألعاب دي زي شريط قديم اتسجل جوانا من زمان
وكل مرة بنعيده بدون وعي
لكن رغم إنها بتدينا إحساس مؤقت بالراحة
إلا إنها في الحقيقة بتمنعنا من أقرب حاجة إحنا محتاجينها
علاقة حقيقية وصادقة
العلاقة اللي فيها أنا أقول أنا محتاج إيه من غير لعبة.
وأسمعك من غير ما ألبس دور
---------------------------------
احنا ليه بنلعب العاب في علاقاتنا
بقلم الدكتوره/ اميره عبدالمحسن
اخصائيه علاج نفسي وإدمان
يمكن أخطر جملة قالها
بيرن بشكل غير مباشر هي
إن كثرة اللعب ممكن تدمّر الإنسان من جوّه
لأن مع الوقت
مش بس بنلعب مع الناس
إحنا بنصدق اللعبة
وبنبتدي نشوف العالم كله من خلالها
في النهاية
الوعي هنا مش رفاهية.
إنك تلاحظ
أنا بتكلم من طفل ولا والد ولا راشد
أنا بطلب احتياجي بوضوح ولا بلعب لعبة
ده الفرق بين علاقة بتتعبك
وعلاقة بتشفيك
ويمكن أول خطوة حقيقية في النضج النفسي
إنك تبطل تلعب
بقلم الدكتوره/
د/اميره عبدالمحسن
اخصائيه علاج نفسي وإدمان
تعليقات
إرسال تعليق