جواب
بقلم الكاتبه/فاطمه طه الصعيدي
حاولت اكتب جواب يابا
عشان الوَحشة حساها
ووِحشة الدنيا من غيرك
ومين غيرك دة حلاها
بدوّر ف الزمن واسأل على كراس
لقيت نوتة بغلاف كرتون عليه اسمك
وكلمة مزخرفة فاكر كانت رسمك
وأول ما القلم سلّم على الورقة
كتب إسمك
وحبره الطافح اتبخّر بقى فاضي
ومش راضي
جواب
بقلم الكاتبه/فاطمه طه الصعيدي
وورقة ف نُص أوراقك
لقيتها مسجلة المشهد
قالت أشهد
بحنية كفوف إيده
على القلم اللي أسنانه
دى ضايعة من سنين فاتت
أكيد ماتت
مشاعر جوة كراسك
قامت ثورة ومعترضة
ورافضة تمحى بصماتك
قلم تكاية كان ف إديك
مطبّع بصمة جار بصمة
وشماعتك
بقالها م الزمن مدة
مكانها واقفة تستنى
لكام هدمة
بحطة إيدك الطاهرة
وطربوشك
جواب
بقلم الكاتبه/فاطمه طه الصعيدي
وشَعره بتوحشه الفَرشة
سألنى إيه اللى بيحُوشك
وشالك
اللي كان ف البرد على كتفك
ينور لما تتلفح وتتدفى
يابويا مالت الكفة
وطبّت بس بالمقلوب
بقيت مغلوب
وبامسح دمعي فى هدومك
يطبطب عطرك الفواح
وباستنى يابا قدومك
يا اغلي حد راح وارتاح
بناجي ف لِيلي سهرايته
وبادعي الصبر على بُعدك
انا والله من بعدك
حاولت اكتب ولو كلمة
واقول مثلا حياه تِلمة
ورافضة تفوت
ماعرفتِش
فقلت أبوح. وأتكلم
يعدّي الوقت بيا سكوت
ف سلمت الورق قلمك
وكراسك ومكتبتش
بقلم الكاتبه
أ/فاطمه طه الصعيدي
تعليقات
إرسال تعليق